Anoblissement de Wallerand DE COUROUBLE, seigneur De Cariel

Philippe, par la grâce de Dieu, roy de Castille etc., à tous présens et à venir qu'y ces présentes verront ou lire orront, salut. De la part de notre cher et bien amé Wallerand DE COUROUBLE, Sr du Carieul, filz de feu George, vivant licencié es loix, bourgeois et manant de notre ville de Lille et de damoiselle Anne VANDER MEERSCH, fille de François vivant aussy licencié es loix et conseillier pensionnaire 1’espace de cincquante ans de notre salle et châtellenie d'Ypre, nous a esté très humblement représenté que ses ancestres respectivemet auroient de temps unmémorial vescu en notables et signalez bourgeois, et’ sans avoir exercé trafficq ou négoce, ains déservi par longue suitte d'années estats de magistrature et robe longue (ainsy que passé quelcque temps auroit faict aussy le remontrant en qualité d'eschevin et huict homme de notre dite ville de Lille), ce que les ayant eslevé pardessus la populace, voires mis en réputation et estime de nobles, ilz auroient aussy faict diverses alliances qualifiées, parliculièrement à maisons, ayans, aux troubles dernières et depuis, employées leurs vie et moyens pour le service de notre couronne, si comme à celles d'lmmeloot, La Vichte, du Quesnoy, Fourmanoir, Liébart, la Chappelle de Voochte, du Chastel, Le François, Zuytpeene, et aultres, et dont divers descendans auroient en considération de ce et de leurs services particuliers, par nos prédécesseurs et nous, esté honorez du tiltre de chevalier, ainsy que les registres de notre Chambre des Comptes et archives audit Lille et Ypre en feroient foy, et le remontrant à leur imitation, auroit jusques ores aussy vescu comme il espère de continuer plus en noble ou gentilhome qu'en bourgeois, tenant estat conforme à ladicte qualité et s'estant allié à la famille de Fourmestraux aussy notable et ancienne audit Lille, et dont aucuns en considération de leurs services auroient par nous esté honorez du tiltre de noble, et désirant y continuer avecq plus de lustre el sans mesprendre, mesme afin de se rendre tant plus capable à notre service, auquel il auroit dédié ses vie et moyens, il auroit prins son recours vers nous, avecq très humble supplication qu'il nous pleust de l'annoblir el sa postérité, et sur ce luy faire dépescher nos lettres patentes en tel cas pertinentes. Sçavoir faisons que nous, les choses susdites considérées, avons de notre certaine science, autorité souveraine et grâce espéciale, pour nous, nos hoirs et successeurs, audit Wallerand de Courouble ensemble à ses enffans et postérité, masles et femelles, naiz et à naistre en léal mariage, accordé et octroyé, accordons et octroyons par ces présentes le tiltre et degret de noblesse, voullans et entendans qu'il, ses enffans et postérité et chascun d’eux procréez en léal mariage comme dit est, ayent à joyr et user, jouyssent et usent d’ycy en avant et à tousjours comme gens nobles en tous lieux actes et besoingnes, de tous et quelconques honneurs, prérogatives, prééminences, libertez, franchises, privilèges, et exemptions de noblesse, dont les autres nobles ont accoustumé de jouyr et user, jouyssent et jouyront et qu'ilz soient en tous leur laictz et actes tenuz et réputez pour nobles en toutes places, en jugement et dehors d'icelluy, comme les déclarons et créons telz par ces présentes et que semblablement ilz soyent et seront capables et qualifiez pour estre eslevez à estatz et dignitez soit de chevalerie ou autres, et puissent et pourront en tout temps acquérir, avoir, possèder et tenir en tous nos pays d'embas, signament en nosdict pays-bas, places, terres, seigneuries, rentes, revenuz, pocessions et aultres choses mouvantes de nos fiefz et arrièrefiefz, et tous aultres nobles tenemens et iceulx prendre et tenir de nous ou d'aultres seigneurs féodaux de quy ilz seront dépendans et si aucunes des choses susdictes ilz ont ja acquis, les tenir et posséder sans estre constrainctz de par nous ou d'aultres les mectre hors de leurs mains, à quoy nous les habilitons et rendons souffissans et idoines par cesdictes présentes faisant vers nous el nosdicts hoirs et successeurs les debvoirs y appertenant, selon la nature et condition d'iceulx fiefz et biens acquis ou à acquérir et la coustume du pays ou ilz sont scituez, et ce parmy certaine finance modérée que ledict Wallerand de Courouble, à cause de ceste présente grâce, sera tenu de payer à nostre prouffil, sur la tauxation quy en sera faicte par ceulx de nostre Conseil d'estat aux affaires de nos Pays-Bas et de Bourgogne près nostre personne à ce commis, et allin que l'estat de noblesse dudict suppliant soit tant plus notoire, cognu et authorisé, lui avons aussy accordé et permis, accordons et permectons par cesdictes présentes qu'il et sa postérité de léal mariage comme dit est, pourront perpétuellement et à tousjours en tous et quelconcques leurs faitz, gestes, et autres actes licites et honnestes, avoir et porter les armoiries quy s'essuyvent.
Sçavoir est, un escu d'azur au Sautoir ancré d'argent accompaigné de quattre merlettes de mesme, chargé en abisme ou en cœur d'ung escuson d'or, à l'aigle de deux testes de gueulles, l'heaume ouvert et treillé, bourlet et hachemens d'azur et d'argent, cimier la mesme aigle de l'escousson, comme lesdictes armoiries sont peinctes et figurées au milieu de cesdictes présentes; sy ordonnons à nostre lieutenant gouverneur et capitaine général de nos Pays-Bas et de Bourgogne et donnons en mandement a noz très chiers et féaux les gens de nostre conseil d'estat, chef, présidens et gens de noz privé et grand conseilz, chefz, trésorier général et commis de nos domaines et finances, président et gens de nostre conseil provincial de nostre pays et comté de Flandres, président et gens de nostre Chambre des comptes audict Lille, et à tous autres nos justiciers et officiers présens et à venir, leurs lieutenans et à chacun d'eux endroit soy et si comme à luy appartiendra, et à tous autres nos subjectz qu'estant par lesdicts de noz Comptes, bien et deuement procedé comme leur mandons de faire à la vérification et intérinement de cesdictes présentes selon leur forme et teneur, ils facent souffrent et laissent ledict Wallerand de Courouble et sa postérté de léal mariage, de nostre présente grâce, octroy et annoblissement et de tout le contenu en cesdictes présentes, plainement, paysiblemeut et perpétuellement jouyr et user sans leur faire mectre ou donner ny souffrir estre fait, mis ou donné à aucun d'eulx, contredict, destourbier ou empeschement quelconcque, car ainsy nous plait-il, et voulons estre faict nonobstant quelzconcques ordonnances, statutz, coustumes, usages et autres choses au contraire, desquelles nous avons relevé et dispensé, dispensons et relevons lesdicts de nos finances et de noz Comptes et tous les autres à qui ce peult toucher et regarder, pourvu qu'au préallable cesdictes présentes soyent présentées eu nostre secretairie du registre général des mercedes, afin d'en estre tenue note et mémoire es livres d'icelle; et afin que ce soit chose ferme et stale à tousjours, nous avons signé ces présentes de nostre main et à icelles faict mectre nostre grand seel, saulf en autre chose nostre droict et l'aultruy en toutes. Donné en nostre ville de Madrid royaume de Castille, le vingt ungniesme jour du mois, de janvier l'an de grâce 1642, et de noz règnes le XXe.